مکانة الأب
الأب ثاية و جبل حب و وفاء و ايمان
الفاگد له أبو چن ماله تچّايه
إبوكت المشورة و الگعده بإلديوان
يضل خالي مكانه إبشدّت الراية
الأبو موگد سلف حبّه إبسفينة إشراع
بالك لا تزهده و تابعه إبراية
الأبوا شمسيّة فوگ الرأس بل حر دوم
العيشه إبدون أبو ما تحلى الولاية
أويلي بسمته تشفي الذي تعبان
أويلي گعدته و چاي العصر راية
مندوس الذي عاند أبوه و شال
إبن إمريته إسمه و تكفي الحچاية
أبوك و ثمَّ أبوك و ثمَّ ملك الموت
ما يسمح لك إتعادي الربا إبحاية
خل ايدك بديه و إشمر له الضرعان
إبيوم الضيج أبوك ايصير إلك أية
تكرهه ليش و إنظر عندك إوليدات
إذا ناسي وگفته و كدّه بإلغاية
حط روحك مكانه لو وصل تقرير
الخطا إبتربيته يصلح علمه بإلثاية
ما ياجد أبو عنده گلوب أثنين
بس ياجد يغطّي أولاده ببن اية
***
يقسّم گلبه بل حب عادل و زمزير
ما يكره خلفته و لا خطف شانه
إوليد أنت و تشيّب و الشعر بإلحاك
بس عنده أنت ذاك الطفل بألحانه
يحب يتسامر إويه أولاده ليل إنهار
عليه إسئل يعاجز مرّه ديوانه
مو عيب العذر و العذر لن مشغول
العذر ميفيد و إذكر عشرة أحضانه
إبنك مرتك أخوانك فداء للطيب
إبحنان و شوق ينطق گلبه بإلسانه
و اليخون الوفاء يتنطّر الصعبات
تلفيه المصايب تلزم إعنانه
لأن نهته إبحياته إتدمّر المحتال
و يشوف الويل ضربة إتكسّر إسنانه
إلزم حرم بيته و صيح حيل إدخيل
حرم بيت الأبو يهلك لمن هانه
إبهتاف الله و أكبر بإلندامة و صيح
توبت عابد و زاهد الوليانه
أبوك إبن العشيرة و سبع بإلميدان
شاعر ذو أصالة إمعسّرة احزانه
طبيب و أنت تلميذه و شهم و إستاذ
تدري الوصّلك لحدوده ضرعانه
***
تتكبّر عليه و أنت طفل زعطوط
أبوك إبن الكرامه و يزهي ديوانه
لتشت إبدرب رسموه اليكرهون
تهايم كل حچيهم طبعاً إرعانه
صيح إبصوت عالي إگبال اليشمتون
الأصل و النسب للّي واگف إويانه
أبونه الشجرة و إحنه إغصونها إموردات
و اليگعد إبفينه إنبرده بركانه
خل الحاسد الحاقد يدگ و ايلوخ
و خل نار البگلبه تحرگ إدنانه
***
هذوا إحنه اُسود و ما نهاب الموت
دربنه درب جدنه إبصبره يملانه
الأبو تاريخ ينقل كل كلام ابخير
و يطم الرديّة و يدفن إعدانه
الأبو تاج الشفاعة و للمريض إسناد
الأبو روح و رياضة إبعزّته إمكانه
بالك تعثر إبدربه عدل ويطيح
يهز الدّنيا بيك إبنهته خلصانه
لا تاخذحچي الغشمه أبوك الشيخ
لان حچي الشماته المرشي بقرانه
حطّه فوگ رأسك و إعلن التسليم
يم أهلك و إخوتك حتّى و إفلانه
أبوك الرفع رأسك و السند موجود
من اول و ثاني إبلمّت إعضانه
أبوك الكشخ بل ميّة و نص ديوان
أبوك البدع شعر الهرم بألحانه
أبوك و شاع صيته بل مدارس ريس
أبوك ايدرّس الراكس إبعنوانه
أبوك السخّر إملوك الفلك من هام
أبوك أحياء الثقافة إبيوته وليانه
***
عليمن چا بعد تتكبّر و متفوخ
گلّي إبيا صفه واصلّه بحلامه
دبسّك صير عاقل و إقبل التكليف
إذهب بوس إديه و إقدامه و الشامة
صاير لك گمر مضوي الفلك ملگاه
و صاير لك شمس و إعيونه بإلهامه
تحسد ناسنه العده أبو معروف
صاحب معرفة و متهنّي بزلامه
صدگ عنده إحنيكه إمحرمه الماعون
بس إمبحلجه و إمطشّره أقلامه
ولكن عنده روعه ايفزز الناطور
إذا يرعد و يغضب يحرگ إسنانه
طيعه و لا يحرگك لو صرت تمثال
يگطع سيفه باشط ينتف الهانه
***
سكت عبرت سكوته عنده بيهه إلهام
إذا راد إبوكتهه ايلبّس إكفانه
إتحذّر خلهه سكته للسده و الفات
العدّه عيله وحده ايعدی عدوانه
مو كثرت أموالك گلت ما محتاج
لا اريدن أبو لا اريدن العانه
لا لا بل خطاء حچيك يضل مكشوف
الزود الصار عدنه منّه وصلانه
هاي أخر وصيّه و بيها أحط نيشان
كلام الله دليله و أيته إحسانه
***
طالع و إستمر و الأبو رب البيت
مفتاح الجنان إبكثرت ايمانه
الأبو نار و دمار العانده خسران
و إذا مات إبحياتك تنفجر دانه
لا تخلف كلام الدرّبك رجّال
و لا تلبس ثيابه إتمثّل الوانه
ولا تجلس إبجنبه و لا تعلّي الصوت
ولا تگطع كلامه و تحمد الخانه
ولا تنضر له عين إبعين وكت الغيض
گلّه الأمر امرك و أمرك إدوانه
الجلاله إمن الأبو توصل لبن مسئول
يخلفه إبيوم موته إبكرم صدقانه
أبوك العيبي بل گعده و صدر ديوان
أبوك القلم مل منّه و جر أعوانه
إذا إتصلّي و تصوم و تعبد إبترتيب
أبوك أصل العبادة و ذكره بلحانه
إذا رايد رضات الرب و جنّه و عيش
طيع الوالدين إبحبهم الوانه
و إذا رايد تحرگك نار تطلب ثار
عوف إحسين تابع إبن مرجانه
جاسم محمد الحسّاني 30/08/2025
05/ربيع الأول /1447 08/06/1404
:: برچسب‌ها:
مکانة الأب ,
:: بازدید از این مطلب : 5
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
